Акафист Спиридону Тримифунтскому

Кто такой святитель Спиридон Тримифунтский?

Святой Спиридон Тримифунтский — один из наиболее почитаемых святых в Православной Церкви. Он был епископом города Тримифунта (ныне Керкра) на острове Кипр и жил в IV веке.

Святой Спиридон был известен своими многочисленными чудесами, совершенными как во время его земной жизни, так и после его кончины. Он считается покровителем плавания и моряков.

Особенное почитание угодник Божий имеет в Русской Православной Церкви, где верующие православные христиане почитают его как своего помощника и покровителя. День памяти святителя отмечается 12 декабря. Святой Спиридон считается одним из самых милосердных святых, который всегда готов прийти на помощь нуждающимся и страждущим.

О чем молятся святому Спиридону?

Традиционно мы распределяем святых по выполняемым ими функциям: этот – покровитель в лечении, этот – в учебе, этот – в приобретении жилья. Наверное, так проще человеческому сознанию, чтобы определиться, какие молитвы, когда и кому произносить. Но ведь святые предстоят на Небесах пред Богом, Который исполнит любую просьбу, если она исходит от сердца и не противоречит Божией воле. Поэтому к святому Спиридону, как и к любому другому святому, можно приходить с любой просьбой, с тем, что наболело в душе, что кажется безысходным и неразрешимым.

Опираясь на факты чудесной помощи святителя Спиридона, верующие православные христиане обращаются к святому с такими просьбами:

• О выздоровлении, прохождении успешной реабилитации
• О помощи в обретении своего жилья или чтобы найти хорошую квартиру для съема
• При материальных трудностях, поскольку при жизни святитель много помогал нуждающимся
• О наставлении оступившегося человека на путь истинный
• О восстановлении справедливости
• Об укреплении веры в Бога и Богу
• С просьбами о помощи в деле духовной жизни
• При проблемах с учебой.

Конечно, этими ситуациями список не ограничивается. Вы можете обращаться с любой просьбой, главное – это вера, благоговение, искренность и готовность отказаться от греховной жизни. Ответ на молитву получает только тот, кто стремится очистить свое сердце и помыслы от греховных движений.

Тропарь и кондак святителю Спиридону:

Собо́ра Пе́рваго показа́лся еси́ побо́рник и чудотво́рец, Богоно́се Спиридо́не, о́тче наш. Те́мже ме́ртву ты во гро́бе возгласи́в, и змию́ в зла́то претвори́л еси́, и внегда́ пе́ти тебе́ святы́я моли́твы А́нгелы, сослужа́щия тебе́, имел еси́, свяще́ннейший. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю всем исцеле́ния.

Любо́вию Христо́вою уязви́вся, свяще́ннейший, ум впери́в заре́ю Ду́ха, де́тельным виде́нием твои́м дея́ние обре́л еси́, Богоприя́тне, же́ртвенник Боже́ственный быв, прося́ всем Боже́ственнаго сия́ния.

Что такое акафист и зачем его читать?

Акафисты – это особые молитвенные последования, которые читаются в Православной Церкви. Это один из видов богослужебной практики, которая имеет свою долгую историю и глубокое духовное значение. Акафисты написаны на основе Библейских сюжетов или житий святых и представляют собой прославление и моление перед Богом или святыми.

• Верующие христиане читают акафисты с разными целями и намерениями. Одна из основных причин – это молитва за здоровье и благополучие своих близких. В акафистах просится помощь и исцеление от Бога или святого, к которому они обращаются.
• Также акафисты читаются в благодарность Богу или святому за помощь, которую они уже получили. Это выражение признательности и благодарности за проявленную милость и милосердие. Бог всегда слышит и отвечает на наши молитвы, поэтому чтение акафиста может быть также выражением своей благодарности за Божие благодеяние.
• Также акафисты могут читаться во время различных жизненных испытаний и трудностей. Они становятся духовной опорой и помощью в трудные моменты. Верующие находят в акафистах утешение и поддержку, веря, что Бог или святой, которому они молятся, помогут им преодолеть скорби.
• Чтение акафистов также является формой покаяния и очищения. Верующие признают свои грехи и обращаются к Богу или святым с просьбой о прощении и помощи в обретении духовной силы и мудрости. Акафисты помогают верующим осознать свои ошибки и стремиться к духовному преображению.

Для того чтобы легче было понимать текст акафиста и чтение было более осознанным рекомендуется перед чтением прочитать житие святителя Спиридона. В кондаках описываются эпизоды из него, в икосах звучат прославления и прошения.

Некоторые трудные места из акафиста святому Спиридону

Кондак 1 «мно́го могу́щему споспешествова́ти на́м о просла́вльшем тя́ Христе́» — способному помогать силой прославившего тебя Христа. Святые не сами творят чудеса, а молятся ко Господу, Единственному, от Кого исходит помощь человеку.

Икос 2 «в хирото́нии восприя́вый оби́льно Боже́ственную благода́ть». Хиротония — посвящение в епископы, торжественная служба в церкви. Во время молитвы на человека сходит особая благодать, дающая духовные силы правильно управлять церковной жизнью верующих. Такое посвящение прошел и святитель Спиридон.

Кондак 3 «сжа́вши дла́нию гли́ну». Длань — ладонь. Здесь описывается эпизод из жития святителя, когда он выступал на Вселенском соборе с проповедью о Боге.

Икос 3 «не препира́тися словесы́ с вити́ею, мня́щимся му́дру бы́ти». относится к тому же событию. Вития — искусный оратор, философ. Такие люди в Греции выступали на площадях, поражая зрителей умением вести споры. «Мнящийся» — думающий, что мудр.

Молитва святителю Спиридону Тримифунтскому

Чтение акафиста завершается прочтением молитвы Богу или святому, которому посвящен его текст. Акафист святителю Спиридону можно завершить чтением этой молитвы святому:

О, всеблаже́нне святи́телю Спиридо́не, вели́кий уго́дниче Христо́в и пресла́вный чудотво́рче! Предстоя́й на Небеси́ Престо́лу Бо́жию с ли́ки А́нгел, при́зри ми́лостивым о́ком на предстоя́щия зде лю́ди и прося́щия си́льныя твоея́ по́мощи. Умоли́ благоутро́бие Человеколю́бца Бо́га, да не осу́дит нас по беззако́ниим на́шим, но да сотвори́т с на́ми по ми́лости Свое́й! Испроси́ нам у Христа́ и Бо́га на́шего ми́рное и безмяте́жное житие́, здра́вие душе́вное и теле́сное, земли́ благопло́дие и во всем вся́кое изоби́лие и благоде́нствие, и да не во зло обрати́м блага́я, да́руемая нам от ще́драго Бо́га, но во сла́ву Его́ и в прославле́ние твоего́ заступле́ния!

Изба́ви всех ве́рою несумне́нною к Бо́гу приходя́щих от вся́ких бед душе́вных и теле́сных, от всех томле́ний и диа́вольских наве́тов! Бу́ди печа́льным уте́шитель, неду́гующим врач, в напа́стех помо́щник, наги́м покрови́тель, вдови́цам засту́пник, си́рым защи́тник, младе́нцем пита́тель, ста́рым укрепи́тель, стра́нствующим путево́ждь, пла́вающим ко́рмчий и исхода́тайствуй всем кре́пкия по́мощи твоея́ тре́бующим вся, я́же ко спасе́нию, поле́зная!

Я́ко да твои́ми моли́твами наставля́еми и соблюда́еми, дости́гнем в ве́чный поко́й и ку́пно с тобо́ю просла́вим Бо́га, в Тро́ице Святе́й сла́вимаго, Отца́ и Сы́на и Свята́го Ду́ха, ны́не, и при́сно и во ве́ки веко́в. Ами́нь.

Как правильно читать акафист?

Выделим основные правила чтения:

1. Молиться необходимо с искренней верой в то, что Бог и святитель Спиридон помогут в решении проблемы.
2. Предварительно необходимо очистить мысли от всего, что отвлекает от делания молитвы.
3. Читать акафист святителю, как любой другой, принято стоя. Исключение делается для тех, кто не может это делать по состоянию здоровья.
4. Читать акафист допускается в любой удобный момент – даже ранним утром и поздней ночью.
5. Начинать молитву следует предначинательными молитвами, которые положены чинопоследовании.

Предначинательные молитвы

Молитва Святому Духу:

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Трисвятое:

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.) Слава Отцу и Сыну и Святому Духу, и ныне и присно и во веки веков. Аминь.

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй. (Трижды). Слава Отцу и Сыну и Святому Духу, и ныне и присно и во веки веков. Аминь.

Молитва Господня:

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи помилуй (12 раз)

Тропарь, кондак святителю Спиридону.

Начинаем чтение акафиста

Завершаем чтение акафиста одной из молитв

«Достойно есть», Слава Отцу и Сыну и Святому Духу и ныне и присно и во веки веков аминь! Господи помилуй (3 раза), возглас: Молитвами святых отец наших, Господи Иисусе Христе Боже наш, помилуй нас!

Начиная с 1-го кондака, затем произносится 1-й икос и остальные тексты по установленному порядку (по 1-му разу). Трижды нужно прочесть только 13-й кондак, после которого снова повторяется чтение 1-го икоса и 1-го кондака.

Чудеса при жизни

О жизни святителя можно узнать немного, но о сотворенных им чудесах, писали современники святитель Трифиллий и епископ Левкуссий Кипрский, а также церковные историки Сократ Схоластик, Созомен и Руфин.

Церковное предание повествует о сотворенных святителем чудес, которых было множество. Самое знаменитое чудо, которое приписывают святителю Спиридону, произошло в 325 году на Первом Вселенском Соборе, собранном по приказу императора Константина Великого. Целью Собора было определение истин христианской веры и осуждение ереси епископа Ария, ведущей к расколу внутри священноначалия. Арий утверждал, что Господь наш Иисус Христос не вечен, так как он порожден Отцом для создания этого мира и стоит ниже Отца своего рангом.

Святитель Спиридон выступал с речью в защиту постулата о единой Троице. Во время выступления он осветил крестным знаменем кирпич, который держал в руке, и в это мгновение из кирпича вверх взмыло пламя, вниз полилась вода, а в руке осталась глина. Спиридон произнес при этом: «Се три стихии, а кирпич один. Так и в Пресвятой Троице – Три Лица, а Божество Едино».

Увиденное поразило всех присутствующих, и никто не мог ничего возразить в ответ. В последствие многие сторонники Ария вернулись к православному вероучению.

Другие чудеса святителя

По усердным молитвам святителя Спиридона прекратилась длительное бездождие на Кипре, которое привело к голоду, болезням и другим бедам. Пролившиеся обильные дожди напоили землю и вернули к нормальной жизни людей и скот.

Перед твердой верой старца не устоял многоводный поток, который встал на его пути. Святитель шёл, чтобы спасти невинно осужденного, и молитва с верой во всемогущество Божие заставила воды расступиться и дать пройти на другой берег. Узнав о таком чуде, судья, который готовился приговорить осужденного к смерти, отпустил его, уверовав в невиновности.

Именно святитель Спиридон излечил императора Констанция от неизлечимой болезни после того, как императору пришло видение о том, кто сможет вылечить его.

Описан случай, когда старец не устоял перед убитой горем матерью и с помощью молитвы воскресил её умершего ребенка, а затем и её.

Один бедняк попросил взаймы у Спиридона, чтобы купить зерно для посева. Спиридон дал ему кусок золота и попросил вернуть, когда сможет. После сбора урожая бедняк принёс золото назад. Старец на его глазах превратил золото в змею, сказав: «Вернём назад, у кого брали».

Есть свидетели того, как ангельский хор в храме помогал епископу проводить службу, как наполнялись елеем лампады лишь по одному желанию святителя.

Однажды 2 вора забрались ночью в хлев Спиридона, чтобы украсть его овец. Но неведомая сила связала их и не дала выйти из хлева. Наутро старец нашел воров и отпустил их, подарив каждому по овце.

Святитель не был равнодушен к бедным и нуждающимся. Он имел специальный амбар, из которого могли брать всё, кому нужно было. А вернуть, когда будет возможность. Хозяин никогда не проверял, кто сколько взял и сколько вернул. Амбар никогда не был пустым.

Своей простой и смиренной жизнью святитель подавал пример другим. Находясь в высоком сане епископа, он продолжал пасти овец, принимать участие в сборе урожая. Помогал святой и людям, совершившим грех, призывая к покаянию. И если человек все-таки отказывался покаяться, то его постигало наказание Божие.

Молитва святителю Спиридону:

О, преблаже́нне святи́телю Спиридо́не! Умоли́ благосе́рдие Человеколю́бца Бо́га, да не осу́дит нас по беззако́нием на́шим, но да сотвори́т с на́ми по ми́лости Свое́й. Испроси́ нам, раба́м Бо́жиим (имена), у Христа́ и Бо́га на́шего ми́рное и безмяте́жное житие́, здра́вие душе́вное и теле́сное. Изба́ви нас от вся́ких бед душе́вных и теле́сных, от всех томле́ний и диа́вольских наве́тов. Помина́й нас у престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́, да да́рует нам, кончи́ны же живота́ непосты́дныя и ми́рныя и блаже́нства ве́чнаго в бу́дущем ве́це сподо́бит нас, да непреста́нно возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Главное условие молитвы

Читать акафист святителю Спиридону или молиться ему своими словами можно в любое время суток – важно обращаться к святому с верой и намерением изменить свою жизнь, отказаться от грехов и пороков.

Молитва – это не заговор, повторяемый механически, а духовное общение со святыми, с Господом, Божией Матерью, поэтому важно произносить слова молитвы медленно и со вниманием. Главное – не количество произнесенных слов, а искренность молитвенного вздоха, который необходимо совершать со вниманием.

История акафиста святителю Спиридону

Церковное хвалебное песнопение, посвященное святому, появилось в XIX веке. Акафист святителю Спиридону составил священник Александр Цветков, клирик московского Спиридоновского храма. Храм после революции был разрушен, а акафист и по сей день звучит в церквях и в домах христиан, почитающих Тримифунтского чудотворца.

Текст акафиста Святителю Спиридону Тримифунтскому чудотворцу

Кондак 1:

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Икос 1:

От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.

Радуйся, светильниче многосветлый; радуйся, ум твой безстрастием просветивый.

Радуйся, измлада истинную простоту и безмолвие возлюбивый; радуйся, украшение целомудрия.

Радуйся, любве неистощимая струя; радуйся, яко страннолюбию Авраама подражал еси.

Радуйся, яко всем любвеобильно входы дома своего отверзал еси; радуйся, нищих предстателю.

Радуйся, пред нимже благоговеют людие; радуйся, яко ты еси обиталище Пресвятаго Духа.

Радуйся, Спиридоне, предивный чудотворче!

Кондак 2:

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.

Икос 2:

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.

Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.

Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.

Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.

Радуйся, яко и мудрых озарил еси; радуйся, яко и простых сердца обновил еси.

Радуйся, славо православных и Церкве непоколебимое утверждение; радуйся, украшение отцев, слава и похвала иереев благоговейных.

Радуйся, Спиридоне, предивный чудотворче.

Кондак 3:

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3:

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.

Радуйся, источниче, благодатию обильный; радуйся, непоколебимый столпе, твердо содержащий сущих в вере.

Радуйся, омрачаяй всепагубную ересь; радуйся, чрез негоже попрано бысть безумие.

Радуйся, яко персть земная проповеда твоима рукама Святую Троицу; радуйся, яко из глины извел еси огнь и воду во утверждение догмата Святыя Троицы.

Радуйся, яко просветил еси люди славити Слово, воистинну единосущное Пребезначальному Отцу; радуйся, яко змиеву главу пагубныя Ариевы ереси поразил еси.

Радуйся, яко тобою пожерта бысть злоба; радуйся, невернаго мудреца совопросника к истинней вере обративый.

Радуйся, Спиридоне, предивный чудотворче.

Кондак 4:

Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

Икос 4:

Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, Домостроительство Божие о спасении мира уяснивый.

Радуйся, яко научил еси не испытовати еже есть превыше разума и мудросте человеческия; радуйся, непостижимую действующую в тебе силу Божию явивый.

Радуйся, яко устами твоими провеща Сам Бог; радуйся, яко вси послушаху тебе в сладость.

Радуйся, мглу идолослужения разгнавый; радуйся, яко многих к истинней вере привел еси.

Радуйся, яко главы невидимых змиев поразил еси; радуйся, яко тобою прославляется вера христианская.

Радуйся, яко светло озаряеши всех ублажающих тя; радуйся, поборниче христианския веры и Православия.

Радуйся, Спиридоне, предивный чудотворче.

Кондак 5:

Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.

Икос 5:

Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:

Радуйся, великому пророку Илии уподобивыйся; радуйся, яко дождь, отъемлющий глад и недуги, благовремение низвел еси.

Радуйся, паки молитвами своими небо заключивый; радуйся, яко немилосердаго купца лишением имения наказал еси.

Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.

Радуйся, вземляй немощи немощных; радуйся, богоблагодатный человеком помощниче.

Радуйся, болящим здравие подаваяй; радуйся, егоже трепещут демони.

Радуйся, безчисленных чудес источниче.

Радуйся, Спиридоне, предивный чудотворче.

Кондак 6:

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.

Икос 6:

Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И — о чудесе — злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.

Радуйся, обильно всех всеми благами обогащаяй; радуйся, яко Илиа, бедных питавый.

Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.

Радуйся, верных и неверных в бедах утешение; радуйся, древо сеннолиственное, град и страну осеняющее.

Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.

Радуйся, уставы земли молитвою пременяяй; радуйся, будущая, яко настоящая, провидевый.

Радуйся, Спиридоне, предивный чудотворче.

Кондак 7:

Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7:

Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан, реку по суху прешедый; радуйся, речная устремления гласом своим укротивый.

Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.

Радуйся, жизни по Бозе благий поспешниче; радуйся, неповинно угнетенных защитителю.

Радуйся, уставов естества воднаго пременителю; радуйся, яко судию вразумил еси и от убийства спасл еси.

Радуйся, истинное исправление душ; радуйся, дивная сило, потоки удержавающая.

Радуйся, услаждающий сердца человеков, к тебе притекающих; радуйся, человеколюбию Авраама подражателю.

Радуйся, Спиридоне, предивный чудотворче.

Кондак 8:

Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.

Икос 8:

Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.

Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.

Радуйся, яко уподобился еси Илии, молитвами сыну Сарептския жены жизнь возвратившему; радуйся, яко и Елисею, возбудившему от смерти отроча подражал еси.

Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.

Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.

Радуйся, земли плодоносие молитвами твоими испросивый; радуйся, непреложное воскресения человеков уверение.

Радуйся, Спиридоне, предивный чудотворче.

Кондак 9:

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9:

Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:

Радуйся, славу мира сего яко суетную презревый; радуйся, мзду многу на Небесех стяжавый.

Радуйся, красная мира сего в уметы вменивый; радуйся, сосуде небесных благ.

Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.

Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.

Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребреники твоя к покаянию приведый.

Радуйся, яко страсти корыстолюбия увещанием своим исцелил еси его.

Радуйся, Спиридоне, предивный чудотворче.

Кондак 10:

Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.

Икос 10:

Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константин; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.

Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.

Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.

Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.

Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша.

Радуйся, емуже и беси повинуются; радуйся, яко от идолослужения многих отвратил еси.

Радуйся, Спиридоне, предивный чудотворче.

Кондак 11:

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.

Икос 11:

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.

Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем.

Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.

Радуйся, неизсякаемый источниче, присно источающий всем токи благодати; радуйся, о немже изумляются Ангели.

Радуйся, прослушание диакона в храме наказавый; радуйся, тщеславившагося своим гласом и гласа, и языка лишивый.

Радуйся, яко во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый.

Радуйся, Спиридоне, предивный чудотворче.

Кондак 12:

Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.

Икос 12:

Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый.

Радуйся, от неисцельныя болезни отрока исцеливый; радуйся, беса из жены изгнавый и здравую сотворивый.

Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.

Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.

Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.

Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.

Радуйся, Спиридоне, предивный чудотворче!

Кондак 13:

О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!(Этот кондак читается трижды, затем икос 1 и кондак 1)

Молитва святителю Спиридону Тримифунтскому чудотворцу:

О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящия сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне, и присно и во веки веков. Аминь.